碰碰带路 | 阳西沙扒湾两日一夜半自由行攻略看这里！！！
今日就讲下之前好多小伙伴问我嘅沙扒湾
沙扒湾
扒镇位于广东省阳江市阳西县西南部，三面临海，北面与陆地相连，是一个纯渔业镇。
纯渔业？
咁样听上去旅游开发好似好少
其实并唔系
个人觉得沙扒湾嘅开发已经有d过了
不过沙扒湾旁边就有个月亮湾
宜家黎沙扒湾玩嘅游客主要都系冲住月亮湾黎噶啦
碰碰带路tips
今次出行我报嘅系两日一夜半自由行嘅团
团费就系包来回车费同住宿
因为想住得好d
所以报个比较贵嘅团
大概300蚊一个人
建议大家最好就系双数出行啦
因为都系双标
如果一个人要同人拼或者补差价就冇咁好
当然，仲有好多套餐可以选择
100+蚊嘅套餐都有
大家可以多睇几间旅行社比价
自驾车都系差唔多时间
唔太建议自由行
建议报半自由行团
个人觉得半自由团方便d
自驾车黎仲要淋停车问题
仲不如报个团等人地安排好交通住宿
不过为左方便大家
我都系帮大家稳左坐车嘅路线
（呢条交通路线超长）
乘车线路：广东省汽车客运站-阳江阳西汽车客运站（坐1站）到阳江阳西汽车客运站走到阳西汽车客运站(站内公交场)转乘阳西县汽车站-沙扒车站（坐1站）到沙扒车站(公交站)
可能因为我地嘅团比较贵
所以住宿环境同地理位置都ok
住嘅地方比较干净
同七天如家比要好d
楼下就系食肆购物一条街
五分钟路程就系见到海
但系我听朋友讲距报过100+蚊嘅团
住嘅民宿超烂超多蚊黎沙滩超远
所以我建议大家唔好悭系住上面
本身想中午去到食海鲜
但系我地到达沙扒湾已经系下午啦
旅游大巴直接送我地到酒店门口
我地办好入住随便食左d医下肚
然后就休息了
因为下午一两点仲系好晒
最好三点半以后先出门
下午三点半嘅沙扒湾真系人满为患啊
本身就唔系好大嘅一个海滩
密密麻麻都系人
网上话沙扒湾嘅水好邋遢
唔建议落水
所以我地都冇落水
只系岸边踏浪
其实水还好啦
就系沙滩上面比较邋遢
好多垃圾哦
沙扒湾门票30蚊
虽然要收钱
但系人实在太多
一人多就难免垃圾多
然后晚上我地就打左个三轮车去海鲜市场买海鲜
其实好近但系我地唔识路
呢度最多最便捷嘅交通工具就系三轮车了
虽然距晃晃悠悠比的士慢
但系可以感受一下海风
都系好惬意嘎
系呢度最浪漫嘅事情
就系吹住海风系沙滩上面散步睇夕阳
跟住就同大家倾下买海鲜
因为对于一个吃货黎讲
“食”系最唔可以马虎嘅一件事
以下呢个tips综合左网上攻略同个人经验
碰碰带路tips
去海鲜市场究竟要买d咩呢
其实主要系买贵嘅海鲜
因为饭店入边嘅有可能唔新鲜而且贵（因为少人点）
然后贝类同比较便宜嘅海鲜就建议直接系饭店点
因为如果系买过去嘅仲要加加工费
所以便宜嘅海鲜买过去唔抵
直接系饭店买嘅唔收加工费
其实差唔多
市场嘅具体地址我都唔清楚
（我系搭三轮车过去嘅）
大家可以问下人或者搭三轮车
骗称我冇遇到过
不过有朋友遇到过
大家都系留个心眼比较好
呢度放开肚皮食大概人均150蚊
强烈推荐白灼濑尿虾...
真系好好好正啊！
建议大家嘅海鲜都系选择比较清淡嘅做法
例如清蒸白灼咁
第一可以食翻海鲜原有嘅味道
第二可以知道d海鲜系咪真系新鲜
仲有
食海鲜尽量唔好饮冻椰青水
好容易搅肚噶
（具体点解我都唔知，导游讲嘅）
呢度周街都系卖椰青水
好容易就会忍唔住（捂脸）
呢个炸番薯台台都有点
但系我觉得冇咩特色
就系用粉包住番薯炸
食完饭可以系沙扒湾嘅沙滩上面散步
呢度可以放孔明灯同烟花
孔明灯就唔系好贵，几蚊一顶
烧烟花就系烧钱
大家自己睇住荷包烧哈哈哈
（我都只系烧左几支仙女棒咋(¯﹃¯)）
第二日起身出门食个早餐就去月亮湾
去月亮湾可以坐三轮车又可以坐面包车
网上好似话如果两日包三轮车30-40蚊
但我地系一日
所以就直接坐面包仔过去
月亮湾嘅门票系20蚊
但系呢个20蚊我觉得系比较值嘅
因为月亮湾比沙扒湾要好太多啦
可能因为要比钱
而且系早上
所以人少好多
水清沙幼
果断落水
超级爽
觉得自己变成一条鲸鱼哈哈哈
不过呢度好大浪
（应该讲系阳江嘅海滩都比较大浪）
而且水深落差比较大
大家一定一定要注意安全啦
门票系包含冲凉嘅
换衫冲凉要验门票
所以门票要保存好
呢度晚上大概7点清场
6点几更衣室就会爆棚
记得提早小小上岸换衫啦
我地中午就翻去沙扒湾附近食饭买手信
手信嘛
我觉得冇咩好买
都系一d干货海味啦
都系果d可以系淘宝买到嘅货
仲不如系淘宝买
唔使自己拎咁远啊嘛
我嘅行程就系咁啦~
总嘅黎讲
我对沙扒湾印象麻麻地
但系黎沙扒湾一定要去埋旁边嘅月亮湾
你地有冇咩更好嘅提议或行程？
欢迎留言比我哦~
你有什么想去的地方？
你想知道哪里的攻略？
小编哪里还做得不够好？
欢迎在公众平台留言
或者私信我哦~
私人微信：KuangRenLY
么么哒(づ￣ 3￣)
Hash:b55b8e0e5a7c6b072f5b0868e100f9782fb1fcd7
声明：此文由 睇完有着数 分享发布，并不意味本站赞同其观点，文章内容仅供参考。此文如侵犯到您的合法权益，请联系我们 kefu@qqx.com